Cafe Paradise (砵蘭街) (已結業)

📍餐廳環境企理乾淨，加上地點就腳，就喺地鐵站附近，所以係一間適合坐得耐嘅西餐廳！一入到嚟店內都幾多人，但店員一直服務好好，親切又有禮貌。而店內環境以深色枱調為主。咁啱俾我見到隔離枱有人生日，店員會拎即影即有相機同佢地影相，然後貼落個board度，所以都係同親友嘅慶生之選🎂。🔻1. 蟹籽蟹棒忌廉寬條麵忌廉味重，蟹籽量多！鍾意啖啖creamy嘅話唔好錯過。而且佢麵質好彈牙，軟硬度適中。🔻2. 煙三文魚蜆肉天使麵清清哋之選，我建議上之後趁熱食，因為凍咗少少啲天使麵都會變乾身，會kick kick地、易斷。整體份量多，同親友share完全冇問題。🔻3. 朱古力心太軟心太軟配合雲尼拿雪糕，有冰火交融嘅感覺。佢又唔算太甜，實心同流心比例都平均。🔻雖然呢度要收加一，但呢個價錢呢個享受都算物超所值。