影片
更多
2024-12-04
154 瀏覽
餓居 Hungry Izakaya📍太子砵蘭街440號地舖又到咗Happy Friday，我同朋友再次走入太子搵食，今次就去咗一間當區街坊推介嘅小店，一間有櫻花樹嘅居酒屋—餓居。雖然只得一個店員招待客人，但服務質素都叫唔錯，店員有禮，客人亦好配合，自動自覺用QR code落單，自助浸水等。我會嚟呢一間餐廳主要係因為早排喺社交平台碌到人哋介紹嘅post，唔知點解見到條鯛魚燒就好有興趣嚟試吓，無意中發掘到有其他同樣值得介紹嘅菜式。 💰$32大大塊流心芝士麥樂雞 🫕愛食麥樂雞嘅朋友一定一定要叫塊大大塊流心芝士麥樂雞試試！佢嘅調味同麥樂雞近乎一樣，肉質嫩滑多汁，外皮炸得香脆，切開一半時，內面嘅芝士不停流出，鹹鹹香香勁滋味！ 💰$68濃厚明太子醬撈烏冬 🍝小店招牌菜之一嘅撈烏冬果然名不虛傳，選用較幼身嘅烏冬，令每一吋烏冬都可以沾滿明太子醬同蟹籽。烏冬口感Q軟，明太子醬濃烈，感覺清新輕盈，食多啖都無負擔！ 💰$68博多魂・黑蒜油豬骨拉麵 🍜偏港風嘅日式豬骨拉麵材料滿滿，有海量櫻花蝦、粟米、蛋絲同筍片點綴。主角叉燒片無咩肥肉，烤後有陣陣肉香，好味！拉麵無得選擇軟硬度，不過軟硬適中，麵質彈牙，加上黑蒜
📍太子砵蘭街440號地舖
又到咗Happy Friday，我同朋友再次走入太子搵食，今次就去咗一間當區街坊推介嘅小店，一間有櫻花樹嘅居酒屋—餓居。雖然只得一個店員招待客人，但服務質素都叫唔錯，店員有禮，客人亦好配合，自動自覺用QR code落單，自助浸水等。
我會嚟呢一間餐廳主要係因為早排喺社交平台碌到人哋介紹嘅post，唔知點解見到條鯛魚燒就好有興趣嚟試吓，無意中發掘到有其他同樣值得介紹嘅菜式。
[價錢 Price] 💰$32
大大塊流心芝士麥樂雞 🫕
愛食麥樂雞嘅朋友一定一定要叫塊大大塊流心芝士麥樂雞試試！佢嘅調味同麥樂雞近乎一樣，肉質嫩滑多汁，外皮炸得香脆，切開一半時，內面嘅芝士不停流出，鹹鹹香香勁滋味！
[價錢 Price] 💰$68
濃厚明太子醬撈烏冬 🍝
小店招牌菜之一嘅撈烏冬果然名不虛傳，選用較幼身嘅烏冬，令每一吋烏冬都可以沾滿明太子醬同蟹籽。烏冬口感Q軟，明太子醬濃烈，感覺清新輕盈，食多啖都無負擔！
[價錢 Price] 💰$68
博多魂・黑蒜油豬骨拉麵 🍜
偏港風嘅日式豬骨拉麵材料滿滿，有海量櫻花蝦、粟米、蛋絲同筍片點綴。主角叉燒片無咩肥肉，烤後有陣陣肉香，好味！拉麵無得選擇軟硬度，不過軟硬適中，麵質彈牙，加上黑蒜油加乘，我哋好快清空一碗！
[價錢 Price] 💰$98
厚燒玉子三重奏 🍳
另一名物係厚燒玉子，主打六種口味，一份可以選三種，我哋揀咗海膽醬、明太子醬同蜜糖芥末。整體賣相超吸引，啲醬料亦俾得毫不手軟。我最愛明太子醬，鹹鮮調味配清甜玉子，夾到不得了！而朋友就最愛海膽醬，認為味道好似濃縮多板海膽咁正，大家嚟到都可以試試！
[價錢 Price] 💰$39
法式蒙布朗-意大利栗子 🌰
甜品一人嚟一客，第一款揀咗栗子Mont Blanc，栗子甘香清甜，內餡冰凍如雪糕，一啲都唔膩，呢個價錢嚟講，真係超值！
[價錢 Price] 💰$39
紅豆鯛魚燒 🐟
第二款係吸引我嚟呢度食晩餐嘅鯛魚燒，內有滿滿紅豆餡，甜味天然，表皮香脆，用竹籃上非常得意，打卡必叫！
[價錢 Price] 💰$78
鮮檸蜂蜜有氣果酒 🍯
朋友好耐無去居酒屋，一嚟到就例牌叫般杯sour嚟飲。可能真係好耐無飲，一飲就讚口不絕，除咗讚佢透心涼之外，仲讚佢調得好正宗，真正還原到日本sour嘅味道！
[價錢 Price] 💰$27
木村柚子梳打汔水 🍊
我就叫咗枝福岡進口嘅柚子梳打汔水，標榜以富士山萬年水製作，配上清新芳香嘅日本柚子，味道十分清爽！
張貼
