八一蕃巴蜀烤魚店 (砵蘭街) (已結業)

太子砵蘭街一向不乏美食，之前已經聽朋友講過八一蕃巴蜀烤魚店，烤魚店呢家喺香港逐漸流行，大概系疫情前港人好中意北上食烤魚開始。魚類主要分為草鯇魚同埋骨少肉嫩之選，骨少肉嫩之選有魽魚、海鱸魚、多寶魚，另外可以選擇辣度，或者吾辣都得。餐廳有使用共廚家作嘅養生飲品，上網睇番先知共廚家作系一間推廣培育計劃嘅社會企業，皆在為熱愛廚藝嘅社會創業家提供平台加資源加培訓，令佢地可以製作精品同特色飲食產品開創個人事業。叫啲串燒食住先，燒牛舌同燒白鱔，燒牛舌好大件夠煙韌，燒白鱔超正！冇骨之餘沾上燒汁好有日式風味。豬牛雞可以配燒汁/ 沙爹汁，我揀咗沙爹汁，雞肉燒得好香，夠嫩滑，沾上沙爹汁滿滿港式風味。烤魚揀咗香辣味，黎到戈陣已經聞到勁香👃🏼上面佈滿豆豉同辣椒🌶️魚肉啖啖新鮮，肉質結實，香辣味甚濃，兩個人好快就Ko曬😂生津李乾蘋果茶好解渴，飲得出系自家製好足料，吾會系死甜，兩個人平均每人飲到兩杯幾划算。