慢煮工業 (已結業)

之前食過慢煮工業嘅午餐，覺得佢個慢煮牛扒平得嚟好高水準，所以今日帶朋友嚟試下佢晚餐。見menu有美國菲力牛扒，我哋叫咗嚟試下，菲力牛扒為位於牛腰肉的末端，不是負重的肌肉，比較少筋而肉質較軟嫩鮮甜，餐廳用咗香草同蒜頭調味，牛扒低配亦都又有一塊煎過嘅芝士，帶出另類嘅鹹香味。朋友叫咗法式豬鞍，每啖都有好重嘅油脂感，外層就有少少焦香，豬鞍用咗椒鹽調味，配有甜甜酸酸嘅紅酒釀蘋果中和油膩嘅感覺。我哋另外叫咗燒露筍，小小烤過，爽口得嚟香口。黑松露巴馬臣芝士薯條，聞到好香嘅黑松露同芝士味，芝士條獨立今又有另一層口感，薯條炸得好香脆，仲有少少薯皮。芝士流心蛋大啡菇，一下切開溫泉蛋，撈埋芝士同啡菇一齊食，彈牙嘅啡菇帶住芝士味同蛋香味，淨低嘅蛋汁用嚟點薯條仲好食過者蛋黃醬。菠菜芝士焗蠔，好肉地好 juicy，芝士焗到好香脆。