雲壽司 (已結業)

雲壽司終於喺九龍區開分店，喺太子始創中心後面街，超就腳！之前我喺中環店試過佢地嘅抵食omakase ，今次晏晝過去就試埋佢地嘅Lunch set！呢度環境一樣咁光猛，衞生又乾淨。每款Lunch set 都會包埋沙律及麵豉湯，今次我地兩個人就叫咗三色丼及特上壽司拼盤。三色丼$138 丼飯份量豐富，有海膽、帆立貝，三文魚籽。壽司飯味道恰到好處，海膽口感綿滑，又夠新鮮。每口飯都加上三文魚籽，啖啖都鮮味十足！特上壽司拼盤$250壽司拼盤有吞拿魚腩、深海池魚、牡丹蝦、赤貝、海膽、三文魚子、火炙左口魚邊、鯖魚、魴鮄、蔥吞拿魚腩壽司。推薦吞拿魚腩壽司非常厚又無筋，赤貝壽司爽口鮮甜，魴鮄壽司爽彈鮮甜，蔥吞拿魚腩壽司份量好多，口感軟滑又唔腥。