影片
更多
2023-08-21
28 瀏覽
旺角區都有唔少文青cafe，好似呢間Tuned Coffee & Roastery咁，店鋪擺滿植物同畫作，不失為鬧市中忙裏偷閑嘅好地方。無花果合桃石榴果黑醋沙律 $105先叫咗個沙律，份量都唔少足夠兩個人分，新鮮爽脆嘅沙律菜，加埋香脆合桃、酸甜石榴果肉、無花果同黑醋汁，酸酸哋，清新開胃。煙肉三文魚班尼迪蛋 $98呢度嘅Benedict同一般嘅有d唔同，底層係香脆雜糧多士而唔係鬆餅，面頭就有煙肉、煙三文魚、流心水煮蛋同荷蘭醬。切開蛋黃將蛋漿混合其他配料同多士一齊食就夠哂滋味。松露油忌廉大啡菇貓耳朵 $115另外我哋仲叫咗份pasta，貓耳朵粉好Q彈，忌廉汁幼滑creamy仲有陣陣松露香，加埋大啡菇同松子仁，風味十足。髒髒提拉米蘇 $85唔少得嘅仲有甜品，揀咗食佢哋嘅tiramisu，以髒髒為構念擺搬都幾有特色。底層嘅手指餅有好香濃嘅咖啡味同酒味，整體般講口感幼滑細膩，各種味道嘅balance岩岩好。新鮮番石榴冰黑咖啡 $60黎得cafe當然要嘆返杯咖啡，呢杯黑咖啡面層加入番石榴沙冰，另到黑咖啡唔會太苦，變得容易入口，香濃嘅咖啡香混合一絲絲清甜嘅水果香，非常清新。熱情果Sparkling
無花果合桃石榴果黑醋沙律 $105
先叫咗個沙律，份量都唔少足夠兩個人分，新鮮爽脆嘅沙律菜，加埋香脆合桃、酸甜石榴果肉、無花果同黑醋汁，酸酸哋，清新開胃。
煙肉三文魚班尼迪蛋 $98
呢度嘅Benedict同一般嘅有d唔同，底層係香脆雜糧多士而唔係鬆餅，面頭就有煙肉、煙三文魚、流心水煮蛋同荷蘭醬。切開蛋黃將蛋漿混合其他配料同多士一齊食就夠哂滋味。
松露油忌廉大啡菇貓耳朵 $115
另外我哋仲叫咗份pasta，貓耳朵粉好Q彈，忌廉汁幼滑creamy仲有陣陣松露香，加埋大啡菇同松子仁，風味十足。
髒髒提拉米蘇 $85
唔少得嘅仲有甜品，揀咗食佢哋嘅tiramisu，以髒髒為構念擺搬都幾有特色。底層嘅手指餅有好香濃嘅咖啡味同酒味，整體般講口感幼滑細膩，各種味道嘅balance岩岩好。
新鮮番石榴冰黑咖啡 $60
黎得cafe當然要嘆返杯咖啡，呢杯黑咖啡面層加入番石榴沙冰，另到黑咖啡唔會太苦，變得容易入口，香濃嘅咖啡香混合一絲絲清甜嘅水果香，非常清新。
熱情果Sparkling Ade $50
朋友就叫咗杯熱情果梳打水，滿滿嘅熱情果肉加上汽泡，味道酸酸甜甜，岩哂咁炎熱嘅夏天。
。
。
Tuned Coffee & Roastery (太子)
太子洗衣街163-163A號鴻德大廈地下B號舖
。
。
張貼
