影片
更多
2009-09-28
9 瀏覽
今天請客食飯,選了太子鳳城,因客睇openrice食評好多人讚好.星期一已訂了位訂了菜,今晚一早6:30pm去到一個人客都未有,我訂了9人枱,佢地俾左張細枱,因是請客食飯我見張枱坐得太迫夾,不太好禮儀,同侍應哥哥講今天請公司客人食飯,可否轉張大d枱,佢一味話9個人夠坐,著我不用怕佢會好好招呼我d客,同佢講了幾次都賴皮唔肯轉,本想找部長,但佢地一直企左係櫃枱傾計無望過黎.後來我d客到左,坐落真的好迫夾.我地一起要求果位侍應哥哥轉大d枱,佢又死都話呢張枱9個人夠坐,因此我主動走去櫃枱找部長轉枱,部長話無問題叫我話俾果位侍應哥哥聽就得,我話我已叫了多次就係侍應哥哥唔肯轉枱先至求助部長.呀部長即刻叫佢幫我地在原枱加返大個枱面,佢拖左好耐先做.加大了枱面後即時鬆動哂.(只需加大枱面,點解一早唔肯做)9個人叫了8個菜+燒味拼盤+一碟生腸+一窩麵+焗西米布甸(共12樣)+汽水大良炒鮮奶拼野雞卷,鮮奶一patpat完全無奶味,也不是用水牛奶,只是一些加了粟粉的白色糊狀物,野雞卷因炸時油不夠滾,所以野雞卷吸滿炸油.蝦多士也因炸時油不夠滾,所以多士吸滿炸油.金錢蟹盒也炸時油不夠滾,所以皮不夠脆吸滿炸油.焗
9個人叫了8個菜+燒味拼盤+一碟生腸+一窩麵+焗西米布甸(共12樣)+汽水
大良炒鮮奶拼野雞卷,鮮奶一patpat完全無奶味,也不是用水牛奶,只是一些加了粟粉的白色糊狀物,野雞卷因炸時油不夠滾,所以野雞卷吸滿炸油.
蝦多士也因炸時油不夠滾,所以多士吸滿炸油.
金錢蟹盒也炸時油不夠滾,所以皮不夠脆吸滿炸油.
焗西米布甸也是無味道不好吃,好似糊仔,所以個個都吃得很勉強.(沙田馬會做得好好多)
金錢雞0K,值得一讚,不過附設夾住吃的膜膜完全俾唔夠,個位侍應哥哥死口話夠,最後真的不夠夾,要加多碟,重要另收錢.
桂魚卷,中燒味拼盤,生腸及個窩麵都0K,值得一讚.不過中燒味拼盤(中都好細碟),生腸就貴左d,要368及118.
炸子雞一般.
食完後侍應係咁係正你面前頭頂執枱執碗執你罐未飲完既汽水,好似示意你快d走,唔好阻住哂.埋單成二千幾,個部長黎埋單時唔會出聲問句d野黎齊未?d野0K嘛?呢d行貨說話,未算黑口黑面,但都唔係好好服務面口.留意到部長反而招呼d兩人枱態度好過招呼d4人或以上枱.今時今日做食肆,除了食物味道質素,價值(是價值,因價錢貴或平既要求係唔同既),服務態度也是很重要的,
鳳城價錢不算平,食物味道質素算一般及差,而服務態度係極差差過d大排檔,好彩係客人揀黎鳳城,如果唔係就俾客怪.呢d咁既質素既食肆係今時今日若維持現狀,恐怕遲早執.真係幫襯一次就夠,唔會再去!
PS:吃飯前發現碗有小強在走動,換了洗乾淨.吃完后,去厠所時發現燒味切肉枱也有很多小強在走動,不敢告訴我d客,今晚唔知會唔會肚痛!
張貼