影片
更多
2021-10-08
1184 瀏覽
旺角多嘢食係人都知，不過估唔到太子都咁多嘢食，仲要咁近地鐵站，早排有個friend試完，極力推介，咁見今日屋企冇煮飯，就同老婆兩個嚟試下喺港鐵太子站（d）出口，行幾分鐘就到，好易搵。好早去到都有幾檯客喺度食緊，原來真係幾受歡迎。呢度最出名係烤魚放題同埋雞煲放題。$228任食，仲有安格斯牛任食，順帶一提，張紙冇嘅，但可以無點，只要同店員講就可以。張任食紙好多選擇。我哋嘅烤魚好快就到咗。我哋揀咗小辣，黎到見到條魚我同老婆都呆咗，點解會咁大條，成條手臂咁長，仲要係我哋最鍾意食嘅鯇魚，一啲泥味都冇，啖啖肉，由於佢一早已經炸熟，所以只係等啲湯底滾熟就得。安格斯肥牛：肥瘦適中，好重牛味，呢個價錢仲要係任食，真係唔知邊度搵。炸魚皮：每次我食烤魚，都一定叫炸魚皮，因為炸魚皮點落啲烤魚麻辣湯汁度，索曬啲汁嘅時候，就係最好食。川汁皮蛋：川汁調較得剛好，唔會太辣搶咗皮蛋啲香味。三文魚刺身：我成日都覺得食火鍋嘅餐廳，刺身一定係冇咁新鮮同冇咁好食，原來都有例外，呢間啲刺身好新鮮，好似出面食放題嘅質素咁。大合照當然唔少得，成枱美食，淨係條魚已經贏咗。條魚要4個人先食得晒。ps:下次要叫多幾個朋友一齊嚟食埋個雞煲先
喺港鐵太子站（d）出口，行幾分鐘就到，好易搵。
好早去到都有幾檯客喺度食緊，原來真係幾受歡迎。
呢度最出名係烤魚放題同埋雞煲放題。$228任食，仲有安格斯牛任食，順帶一提，張紙冇嘅，但可以無點，只要同店員講就可以。
張任食紙好多選擇。
我哋嘅烤魚好快就到咗。
我哋揀咗小辣，黎到見到條魚我同老婆都呆咗，點解會咁大條，成條手臂咁長，仲要係我哋最鍾意食嘅鯇魚，一啲泥味都冇，啖啖肉，由於佢一早已經炸熟，所以只係等啲湯底滾熟就得。
安格斯肥牛：肥瘦適中，好重牛味，呢個價錢仲要係任食，真係唔知邊度搵。
炸魚皮：每次我食烤魚，都一定叫炸魚皮，因為炸魚皮點落啲烤魚麻辣湯汁度，索曬啲汁嘅時候，就係最好食。
川汁皮蛋：川汁調較得剛好，唔會太辣搶咗皮蛋啲香味。
三文魚刺身：我成日都覺得食火鍋嘅餐廳，刺身一定係冇咁新鮮同冇咁好食，原來都有例外，呢間啲刺身好新鮮，好似出面食放題嘅質素咁。
大合照當然唔少得，成枱美食，淨係條魚已經贏咗。條魚要4個人先食得晒。
ps:下次要叫多幾個朋友一齊嚟食埋個雞煲先得。
張貼
