影片
更多
2020-12-01
54 瀏覽
今晚收左工之後去左太子陪朋友整d野, 順便係附近食埋晚餐😊, 經過E間餐廳嘅時候, 聽到店員話E到係岩岩新開食荷蘭菜的, 由於小妹同朋友都未試過荷蘭菜覺得幾新奇, 於是我地就入左去試下啦😆! 餐廳環境幾舒服, 播住一d外國嘅慢歌🎵, 頗有情調! 店員話餐廳主打Wine Pairing, 由多款紅白酒🥂🍷, 清酒🍶, 威士忌🥃, 啤酒🍺, 甜汽酒🍹嚟配搭唔同嘅荷蘭地道美食!荷蘭街頭小食: 荷蘭特色香酥炸牛肉球/阿姆斯特丹迷你肉腸配荷蘭原裝入口樽裝喜力🌟炸牛肉球🐂牛肉球由牛尾肉同蔬菜湯而成, 牛尾肉浸住蔬菜湯一日, 之後搣成絲再整成一個個波拎去炸, 外皮好薄炸得好脆, 一切開內裏嘅汁即刻爆出哂, 入口感覺似蓮蓉, 肉味好重, 簡直就係荷蘭版嘅爆漿牛丸, 味道幾特別, 推介😊👍🏻! 🌟迷你肉腸E隻腸同平時我地食嘅唔同, 係無腸衣的, 上面加左洋蔥, 咖喱汁同蛋黃醬一齊食, 簡單得嚟又有多種味道層次!🌟荷蘭喜力🍺由荷蘭原裝入口, 金屬樽裝令啤酒🍺更凍, 而且荷蘭入口嘅喜力, 味道相對香港版嘅較為清甜!時令新鮮荷蘭生蠔/橡木煙燻荷蘭鯖魚配太平海清酒🍶🌟時令新鮮荷蘭生蠔肉質肥厚清爽, 配合清甜嘅青
荷蘭街頭小食: 荷蘭特色香酥炸牛肉球/阿姆斯特丹迷你肉腸配荷蘭原裝入口樽裝喜力
🌟炸牛肉球🐂
牛肉球由牛尾肉同蔬菜湯而成, 牛尾肉浸住蔬菜湯一日, 之後搣成絲再整成一個個波拎去炸, 外皮好薄炸得好脆, 一切開內裏嘅汁即刻爆出哂, 入口感覺似蓮蓉, 肉味好重, 簡直就係荷蘭版嘅爆漿牛丸, 味道幾特別, 推介😊👍🏻!
🌟迷你肉腸
E隻腸同平時我地食嘅唔同, 係無腸衣的, 上面加左洋蔥, 咖喱汁同蛋黃醬一齊食, 簡單得嚟又有多種味道層次!
🌟荷蘭喜力🍺
由荷蘭原裝入口, 金屬樽裝令啤酒🍺更凍, 而且荷蘭入口嘅喜力, 味道相對香港版嘅較為清甜!
時令新鮮荷蘭生蠔/橡木煙燻荷蘭鯖魚配太平海清酒🍶
🌟時令新鮮荷蘭生蠔
肉質肥厚清爽, 配合清甜嘅青瓜絲🥒, 中和左濃烈嘅海水味令味道變得柔和細膩, 更有層次!
🌟橡木煙燻荷蘭鯖魚🐟
使用加入左香草嘅橡木煙燻，令煙燻味不再單一, 煙燻味滲哂入鯖魚嘅魚肉入面, 肉質有少少creamy，食落唔油膩! 食完鯖魚食下旁邊嘅小洋蔥, 酸青瓜🥒同蕃茄仔🍅, 蔬果嘅味道變得更fresh, 再呷一啖清酒, 酒嘅味道令鯖魚嘅餘香發揮極至, 推介👍🏻!
🌟太平海清酒🍶
E款屬於日本新派嘅清酒, 味道帶微微果香! 清酒加長左生蠔味留係口腔嘅時間, 而生蠔又令清酒味道變得更清甜, 食物同酒互相配合, 產生左一種微妙嘅化學作用, 令兩者嘅優點更突出!
時令新鮮藍青口配阿根廷白酒Trapiche
不時不食, 歐洲天氣轉凍就會令生蠔, 青口等海鮮更加肥美! 用荷蘭傳統專用嘅煲同煮法烹調, 先用西芹, 洋蔥, 紅蘿蔔, 大蒜等菜碼用白酒煮香, 之後再加入青口蒸煮, 白酒去除左青口嘅腥味, 最後加入牛油同cream煮成白汁! 白汁帶微微酒香, 海水味同蔬菜味, 鮮味十足唔膩, 青口味道鮮甜爽嫩, 菜碼亦幾有驚喜🤔, 口感非常爽脆!白酒配海鮮永遠都係絕配, 可以令其提升一個層次, 推介👍🏻!
紐西蘭西冷牛扒🐂🥩配阿根廷Barrancas Toso紅酒🍷
牛扒約5成熟, 用慢煮方法將外皮煎得岩岩好, 鎖住入面嘅肉汁, 食落外層微脆, 肉質鮮嫩, 口感鬆軟, 非常juicy😋! 小妹平時唔太中意食太生嘅西冷因為咬極都咬唔爛, 而E塊就好易咬得開, 仲可以食到西冷真正嘅味道! 牛扒令紅酒味道更突出, 口感更細膩, 紅酒又令牛扒更鮮甜😊!
荷蘭迷你小班戟配西班牙Amatista甜汽酒🍹
荷蘭嘅牛油世界知名, 脂肪百份比超過70%, 所以煎出嚟嘅小班戟特別香滑, 牛油味極濃厚! 大廚仲特意將邊邊位煎得更焦脆, 咬落去口感又脆又鬆軟, 有少少似雞蛋仔嘅感覺☺️! 係表面淋上甜甜地嘅蘋果焦糖醬同糖粉, 非常滋味! 甜汽酒嘅酒精濃度較低, 而且味道甜甜酸酸帶熱帶水果香, 同甜品係最夾的, 除左令甜品多一份清新嘅感覺, 仲可以降低口腔入面嘅甜度去除膩感, 推介👍🏻!
張貼
