Home Sweet Home (已結業)

今日約左朋友一齊黎到太子食tea，$328 兩位包埋飲品，價格都算合理。下午茶甜品架，賣相非常吸引，飲品方面叫左個玫瑰奶茶，奶茶飲落口感都幾厚，有香濃既玫瑰味，朋友就叫左個檸檬草香茅。由底層鹹點開始食，再向上發展食甜品。鹹點:煙鴨胸沙律，鴨胸味道濃郁，香軟既鴨胸夾住爽既菜，口感豐富d又好食。迷你蟹肉牛油果薄餅，薄餅又熱又脆，蟹肉配上牛油果，味道鮮甜.芝士火腿牛角包，好香牛油味，半融芝士，同火腿既鹹香。溫泉蛋都十分滑溜。 甜品方面，最欣賞個特濃朱古力凍餅，濃郁既朱古力味，味道甜得黎又唔膩，仲有金箔係面，令凍餅睇落份外奢華。玫瑰奶凍杯，奶凍好滑身，淡淡清香玫瑰味，唔會太甜。焦糖燉蛋，燉蛋既蛋味十分香濃而且焦糖薄薄一層又好脆。 另外仲有精緻既馬卡龍，同迷你忌廉泡芙，泡芙既味道相對較淡。