影片
更多
2023-04-27
90 瀏覽
成日聽住港島嘅Friend講太安樓D野好正，今日QB放左工同女朋友去左太安附近行下。路經M記附近見有間裝修好靚嘅餐廳，就即刻衝左入去。坐低望望個餐牌，見倒都有幾齊全嘅台式食品，選擇十分多，最特別係有主打嘅鍋物，不過因為前2日先打完邊爐，今轉同女朋友同麵同飯食。紅燒半筋半肉手工麵 ($78)牛肉同牛筋都各比左3大舊，份量上十分抵食，牛肉同牛筋都炆得好入味同好淋。另外手工麵麵質好有口感，鐘意食彈牙麵嘅呢個推介淡水無骨豬手滷肉飯 ($62)豬手同飯個份量都好大碗，女朋友最後都食唔哂。豬手炆到個皮好Q彈，充滿骨膠原嘅感覺。古早烤雙色香腸 ($36)平時多數係台式餐廳叫炸物小食，今次叫左香腸有意外驚喜。紅色係普通平時個隻台式腸，黑色係加左墨色。最正係佢配埋蒜片比你送住食。雖然食完會口臭，但食落真係加分!!澎湖花姿丸 ($32)花姿丸一共有6粒，粒粒都係新鮮炸起，上枱超熱。
路經M記附近見有間裝修好靚嘅餐廳，就即刻衝左入去。
坐低望望個餐牌，見倒都有幾齊全嘅台式食品，選擇十分多，最特別係有主打嘅鍋物，不過因為前2日先打完邊爐，今轉同女朋友同麵同飯食。紅燒半筋半肉手工麵 ($78)
牛肉同牛筋都各比左3大舊，份量上十分抵食，牛肉同牛筋都炆得好入味同好淋。另外手工麵麵質好有口感，鐘意食彈牙麵嘅呢個推介
淡水無骨豬手滷肉飯 ($62)
豬手同飯個份量都好大碗，女朋友最後都食唔哂。豬手炆到個皮好Q彈，充滿骨膠原嘅感覺。
古早烤雙色香腸 ($36)
平時多數係台式餐廳叫炸物小食，今次叫左香腸有意外驚喜。紅色係普通平時個隻台式腸，黑色係加左墨色。最正係佢配埋蒜片比你送住食。雖然食完會口臭，但食落真係加分!!
澎湖花姿丸 ($32)花姿丸一共有6粒，粒粒都係新鮮炸起，上枱超熱。
張貼
