太興 (已結業)

剛開張既太興，住麗港城既居民期待已久，所以每次有新食肆開張都客似雲來。太興個名對我來燒味講可以話係冇得輸，有次收工晏咗諗住可以同老公食燒味飯。我食個叉雞飯，老公食燒肉燒鵝飯。放係我張檯既叉雞飯叉燒瘦到呢，乾真真，切雞又鞋。老公個燒肉鵝飯等咗成15分鐘先食到，以為好正，點知上檯骨多過肉。諗住今日又比多次機會佢喇，唔食燒味，食小菜。叫咗個蒸肉餅及通菜炒牛肉，碟肉餅上檯後我同老公都愕咗然！點解碟肉餅可以薄得咁緊要，太過分，幾啖食哂了！通菜牛肉好咸，碟頭一般但偏細碟。我地一對夫婦都唔夠食，更何況有小朋友家庭。屋村食肆係做街坊生意，仲要佢地收並非一般茶餐廳價錢，收得貴又唔好食仲要咁細碟，遲早玩完。我寧願幫親隔離新景象，兩個人一百蚊有找有，湯有飯有嘢飲！