影片
更多
2015-09-16
4308 瀏覽
平時去太平館多數係晚餐時間, 好少會午飯時間去. 今次就因為喺午餐時間去, 所以試到啲平時好少會 order 嘅嘢. 去太平館嘅話, 多數會叫冇得輸嘅瑞士汁雞翼, 瑞士汁炒牛河等, 但今次決定試啲比較少會係晚餐主餐牌上會叫嘅嘢食, 結果主食方面揀咗烚鹹牛脷飯同咖哩蝦球意粉(可選飯或意粉). Lunch set 除主食外, 仲有湯(羅宋湯或粟米忌廉湯)或鮮蔬沙律, 及餐飲. 隨餐湯附上的甜餐包, 餐包微熱, 塗上牛油後食, 回憶中的味道. 羅宋湯, 微酸, 微辣, 好惹味開胃, 湯身稀杰適中, 蔬菜煲到好軟, 好味. 咖哩比想像中同睇到嘅辣, 咖哩味香濃, 蝦球係炸過嘅, 但當然唔係即叫即炸, 所以係啉的, 但都 ok. 薯仔係用焗薯嘅薯仔, 口感係黏而唔係粉, 同咖哩好夾.烚鹹牛脷係第一次食, 賣相很清, 碟餸一上枱你會有少少心裡一沉 feel, 諗緊大鑊, 會唔會同白烚冇分別? 但當你咬第一啖時, 雙眼就會碌大 ... e ... 好味喎, 鹽醃嘅鹹味啱啱好, 牛脷又夠厚切, 啖啖肉, 鹹得嚟感覺又好清, 用嚟送飯都唔會因為冇汁而覺得 dry, 真係驚喜嘅新發現. 餐飲不是太平館嘅賣
去太平館嘅話, 多數會叫冇得輸嘅瑞士汁雞翼, 瑞士汁炒牛河等, 但今次決定試啲比較少會係晚餐主餐牌上會叫嘅嘢食, 結果主食方面揀咗烚鹹牛脷飯同咖哩蝦球意粉(可選飯或意粉).
Lunch set 除主食外, 仲有湯(羅宋湯或粟米忌廉湯)或鮮蔬沙律, 及餐飲.
隨餐湯附上的甜餐包, 餐包微熱, 塗上牛油後食, 回憶中的味道.
羅宋湯, 微酸, 微辣, 好惹味開胃, 湯身稀杰適中, 蔬菜煲到好軟, 好味.
咖哩比想像中同睇到嘅辣, 咖哩味香濃, 蝦球係炸過嘅, 但當然唔係即叫即炸, 所以係啉的, 但都 ok. 薯仔係用焗薯嘅薯仔, 口感係黏而唔係粉, 同咖哩好夾.
烚鹹牛脷係第一次食, 賣相很清, 碟餸一上枱你會有少少心裡一沉 feel, 諗緊大鑊, 會唔會同白烚冇分別? 但當你咬第一啖時, 雙眼就會碌大 ... e ... 好味喎, 鹽醃嘅鹹味啱啱好, 牛脷又夠厚切, 啖啖肉, 鹹得嚟感覺又好清, 用嚟送飯都唔會因為冇汁而覺得 dry, 真係驚喜嘅新發現.
餐飲不是太平館嘅賣點, 凍咖啡凍檸茶不過不失啦.
好有 feel 嘅舊相, 低調地提提你餐廳嘅實力.
雖然, 好味嘅程度有別於餐廳出名嘅大熱菜式, 但有時, 就算幫襯同一間餐廳, 都要跳出匡匡, 試多啲餐廳嘅其它菜色, 咁先可以了解多啲餐廳嘅'食力'. 張貼
