Cafe Fabulous

營業中

休息中

呢期好多食肆都仲做緊外賣自取優惠，上app望吓附近餐廳，呢間買滿$100已經六折！太吸引！立即落單，轉頭就上去拎。佢個二人套餐由原本$318 ，減到變$190 ，真係太抵了。首先小食揀咗芝士雞翼，有三隻都幾肥美，加埋芝士汁喺面頭，好味呀。主菜有焗自家製芝士肉醬意粉，芝士都幾多，撈埋肉醬，味道一流！意粉都幾入味。仲有一個芝士白汁焗鴨胸意粉，都一樣有啲芝士係面頭，鴨胸都好味，相比之下我就鍾意肉醬意粉多啲。二人餐仲包兩杯飲品，要咗一杯凍熱情果紅茶和凍蘋果綠茶，好大杯又夠凍，唔錯。上到嚟先發現，呢間Cafe其實都幾大，左右兩邊唔同style，可以坐好多人，有機會再過嚟先。