影片
更多
2015-05-07
2181 瀏覽
第一次食Greyhound Cafe係今年三月係曼谷食既~ 當時食完覺得雖然幾好味, 但感覺都唔係好大今次係香港食, 真係一路食一路大叫好味, 食完想即刻再黎食 !又一城分店位於頂樓, 有開放式位同一般室內座位今日係星期二都坐滿左~ 不過唔使等位~~呢度上菜好快, 落單無耐D野食就黎~ 配合到節奏快既香港人越式鮮蝦雞肉米紙卷 $68個醬係成份食物既精髓~ 包含住甜, 酸同微辣味 .. 辣度對於唔食辣既我都絕對可以接受!醬有味得黎唔係好濃, 同平時食開既泰式醬好唔同~米紙卷塞滿蝦仁, 雞肉粒, 豬皮同生菜, 皮好煙韌同彈牙不過一定要沾醬食, 如果唔係其實就會無乜味同幾乾身配一碗蔬菜, 包括生菜三片同大量羅勒葉(九層塔), 鐘意多D口感既可以再將菜包住米紙卷, 不過其實好難咁樣進食! 因為米紙卷既餡料本身都好易散晒出黎豬柳串燒配糯米飯 $78串燒只有三大串.. 不過佢既烤法幾特別, 食落唔似平時食開既烤串燒豬肉香而不膩, 完全無肥肉~ 而且都幾juicy~~配埋旁邊既醬 (叫Jaew)食更好味~ 個醬睇落紅色以為會好辣, 原來都唔會! 亦都接受到!!招牌脆炸單骨雞翼 $68 招牌菜..真係
今次係香港食, 真係一路食一路大叫好味, 食完想即刻再黎食 !
又一城分店位於頂樓, 有開放式位同一般室內座位今日係星期二都坐滿左~ 不過唔使等位~~
呢度上菜好快, 落單無耐D野食就黎~ 配合到節奏快既香港人
越式鮮蝦雞肉米紙卷
$68
53 瀏覽
0 讚好
0 留言
個醬係成份食物既精髓~ 包含住甜, 酸同微辣味 .. 辣度對於唔食辣既我都絕對可以接受!
醬有味得黎唔係好濃, 同平時食開既泰式醬好唔同~
米紙卷塞滿蝦仁, 雞肉粒, 豬皮同生菜, 皮好煙韌同彈牙
不過一定要沾醬食, 如果唔係其實就會無乜味同幾乾身
配一碗蔬菜, 包括生菜三片同大量羅勒葉(九層塔), 鐘意多D口感既可以再將菜包住米紙卷, 不過其實好難咁樣進食! 因為米紙卷既餡料本身都好易散晒出黎
豬柳串燒配糯米飯
$78
84 瀏覽
1 讚好
0 留言
串燒只有三大串.. 不過佢既烤法幾特別, 食落唔似平時食開既烤串燒
豬肉香而不膩, 完全無肥肉~ 而且都幾juicy~~
配埋旁邊既醬 (叫Jaew)食更好味~ 個醬睇落紅色以為會好辣, 原來都唔會! 亦都接受到!!
招牌脆炸單骨雞翼
$68
67 瀏覽
1 讚好
0 留言
招牌菜..真係唔使講太多.. 食完就會明白點解佢係招牌菜
同係泰國食既有少少唔同味, 但兩次食都會大叫好正!
雞翼炸得香脆但唔油膩~! 呢個係黎呢度一定要叫既菜式! 一定要!
鮮蝦炒金邊粉
$108
72 瀏覽
1 讚好
0 留言
鮮蝦炒金邊粉
$108
66 瀏覽
2 讚好
0 留言
上菜已經聞到好香.. 金邊粉好淋身, 洋蔥, 炒蛋同大蝦都炒得好入味~ 當中仲有唔少炸蝦仁仔, 超級香脆, 就咁分開食更加食到佢既香味~!!仲有唔少蔥同肉碎粒, 食落有多重口感!
青檸, 花生, 芽菜同埋辣粉都係放係碟旁, 鐘意邊樣落邊樣~
成碟粉都係熱辣辣上枱, 大推介!
香草辣椒炒豬肉碎配白飯(走辣)
$98
60 瀏覽
0 讚好
0 留言
放係面既煎蛋外面煎得脆, 裡面仲有蛋汁流出黎!
肉碎同醬汁都好充足! 最鐘意係配埋九層塔一齊食, 九層塔既香味真係好獨特
最後唔記得左落埋旁邊既魚露一齊食, 因為已經好夠味
個飯原本係辣既 (睇個名都知 =P ) 不過我地幾個都食唔到辣所以叫左走辣
我相信辣既話會更好味 ..!!
可惜碗湯太重味精, 好咸.. 係泰國Greyhound飲過既湯反而清淡好多 @0@
Choc Shock Waffle
$68
71 瀏覽
0 讚好
0 留言
本身都係諗住隨便叫個一定唔會難食既窩夫, 點知咬落去發現真係好有驚喜
食落既口感唔係平時窩夫既口感, 有少少似brownie.. 而且仲係暖暖地既!! 好好味! 面頭有大量朱古力碎, 配埋朱古力醬同朱古力雪糕, 真係食到滿足同幸福既感覺! 暖笠笠既窩夫真係加好多分
Mango Crepe Cake
$68
55 瀏覽
1 讚好
0 留言
食埋呢個crepe cake先會有完美既句號!
芒果新鮮香甜已經預左~ 因為泰國最出名就係甜芒果~
每啖都可以食到超香滑既芒果奶油~~ 同時亦食到一層層既pancake皮~ 而且仲食到pancake皮既蛋香! 配埋新鮮芒果粒, 每一啖都食到三種滿足既口感!
埋單計埋加一總共$612 (四個人食) 唔算太平
但高質素既食物加舒適既環境~ 有值回票價既感覺~~
題外話/補充資料：
侍應會時不時幫我地加水同收碟, 不過服務態度唔算太殷勤~
(以上食評乃用戶個人意見 , 並不代表OpenRice之觀點。)
張貼
