包販子 (已結業)

週末諗住搵間文青小店hea下，論小店來講個格局都算唔錯，有唔同嘅枱size，方便唔同嘅組合嘅人嚟hea/傾計/食嘢！不過論食物質素就好一般，只能用「油膩」兩個字去形容，同朋友每人叫咗一個漢堡，雖然上菜時有張紙包住，但輕輕摸過個包都非常之油，個包應該有用油烘過，但因為餐廳都係用農夫包，完完全全吸收晒啲油，變相食落成口都係油，非常唔健康，唔值得推介！如果改用其他麵包應該會有改善！另外小食叫咗個鹽酥菇，聽朋友講呢個幾出名，不過同樣地都係非常油膩，而且基本上菇面上有大量炸粉，完全蓋過本身蘑菇嘅清甜味，感覺好搵笨！都係唔推介嘅！最後飲品叫咗個西柚檸檬梳打，呢個叫正常少少，至少飲得出有西柚嘅酸甜味，有啲小清新，但都未能夠蓋過食物嘅油膩感。