樂和堂涼茶

營業中

休息中

近排成日食太多煎炸野，加上晚晚溫書，睡眠質素又唔好，所以下巴都開始生暗瘡今晚仲要約咗朋友係荃灣食飯，但約咗果個時間但又未夠鐘，所以係餐廳附近行咗陣啱啱隔離有間涼茶鋪，見到都好似好舊式，裝涼茶的湯殼唔係平時不鏽鋼果種類型，而係好似木製嘅，估計應該都幾正宗見佢都有幾款選擇，有廿四味、五花茶、野葛菜，怕苦嘅我所以就買左碗野葛菜黎飲 $10平時飲野葛菜，通常都會有一碟鹽俾你落落去，不過依間店就無，但係都無所謂嘅，因為飲落味道都唔苦又唔會好淡味，熱氣嘅我好彩遇到依碗野葛菜，如果唔係又會生飛滋不過價錢比平時飲開嘅貴，平時喺上水飲開係＄7 ,依度要＄10 ,不過都可以接受嘅