鉅記海鮮酒家

營業中

休息中

成日去金山食，又喺無耐之前去咗西貢食海鮮, 係時候去下鯉魚門食下, 等自己可以比較下邊度啲海鮮抵食同好食啲。參考咗OPENRICE、做咗功課之後，就決定去呢度食下。因為我覺得喺OPENRICE入邊、蝗蟲同學嘅報告係其中一個有公信力同參考性嘅食家!!!入到鯉魚門，已經被不同食肆嘅人係咁推銷入去食, 不過我都好少理, 直搗鉅記門口。唔需要等位就坐底, 而個侍應就同我講話我今日嚟得啱, 佢話如果尋日嚟嘅話就無位啦，因為啲大陸同胞五一黃金週喎!坐定飲杯茶後，就行出對面魚池揀海鮮；唉, 無我想食嘅琵琶蝦喎!算數, 就食咗: (睇相啦!!!!, 因為講係無用嘅!!!係唔係?)值得一提嘅係, 個聖子皇無金山咁好食, 唔知點解, 雖然都係咁新鮮, 但係梗係盞咁啲!而啲侍應嘅服務OK, 但係就可以再好啲啲囉!!!至於抵食程度就見人見智啦, 我就覺得用呢個價錢就唔係太抵囉!!!可能始於呢度都係遊客區啦。