影片
更多
2010-04-11
64 瀏覽
Monday Sunny Day, Tuesday Healthy Day……. Sunday Family Day, Tai Hing Everyday. 今日星期日唔駛返工，自然係 family day 啦。 屋企附近開咗間太興，又未嚟過，原本前晚已打算嚟呢度食晚飯，不過見呢間太興喺 open rice 內對上一個食評咁差，而且佢只係開咗兩個幾禮拜，可能未上軌道，心諗太興啲晚餐都唔算平，都係無謂搏，就今朝嚟食早餐試吓，如果早餐都唔得，睇怕嚟食晚飯都係算把啦。亞仔瞓到黄朝八晏未起身，一於唔等佢，由我同老公身先士卒。老公點咗個 人氣早餐，有火腿通粉拼北歐火腿配鬆脆多士 ($25), 我無食過，不過老公話個餐 OK 嘅，同一般茶餐廳無乜分別，只係個餐貴咗少少，唔太值呢個價錢。我就要咗個 德國香草腸拼香滑炒蛋配脆香包 ($24), 個包當然無翠華個脆豬咁正，個炒蛋又唔算好滑，不過不失啦。老公話佢杯奶茶就一般貨色，而我本來想飲鈣思寶，但店員話無貨，所以改點了熱檸蜜，檸檬有三片，但要飲到杯底先覺得有蜜糖味。服務方面就強差人意了，事緣我坐下發現張椅一邊濕咗，叫一個經過嘅亞叔抹一抹，佢竟然話佢手上
老公點咗個 人氣早餐，有火腿通粉拼北歐火腿配鬆脆多士 ($25), 我無食過，不過老公話個餐 OK 嘅，同一般茶餐廳無乜分別，只係個餐貴咗少少，唔太值呢個價錢。
我就要咗個 德國香草腸拼香滑炒蛋配脆香包 ($24), 個包當然無翠華個脆豬咁正，個炒蛋又唔算好滑，不過不失啦。
老公話佢杯奶茶就一般貨色，而我本來想飲鈣思寶，但店員話無貨，所以改點了熱檸蜜，檸檬有三片，但要飲到杯底先覺得有蜜糖味。
服務方面就強差人意了，事緣我坐下發現張椅一邊濕咗，叫一個經過嘅亞叔抹一抹，佢竟然話佢手上塊布只可抹枱，仲走過嚟幫我地抹枱，真係O 曬咀，最後都係我自己用紙巾抹乾張椅。
仲有一個小插曲就係我地用餐途中，剛才提過嗰位亞叔坐在我地隔離枱食一碟油雞之類嘅燒味飯，但食咗唔夠十分鐘就張碟飯放咗落個收碟嘅餐車度，碟飯啲餸仲係無乜點食過，唔通真係連自己員工都覺得自己店內嘅燒味難食嗎？個早餐總括嚟講唔算出色但也不算太差，就俾個 OK 喇。
張貼
