Burger Lab

營業中

休息中

見到啲食評寫到好吸引，專登走去試一試。叫了個特級牛肉漢堡套餐，選了蕃薯薯條。即叫即做，即叫即炸。蕃薯薯條好香口，夠哂脆到主角~漢堡包我唔知大家點睇，佢呢個高過汽水的漢堡，一送到面前真係好有視覺沖擊，覺得嘩。之後就開始有疑問，應該點落口呢？我一直覺得漢堡包呀，三文治呀之類，應該係要一口咬落去，起碼咬到8成左右的厚度才合理，成日見到啲人扮斯文，分開一層層嚟食，真係覺得係浪費咗漢堡包呢個設計。但呢個包真係厚到攞起都有難度，得個高字，面積又唔夠，加上隻水波蛋又係咁漏汁，結果要先食減一塊漢堡先，再成個包食，搞到一枱都係汁。味道方面，牛味唔夠特出，肉汁唔多，反而芝士就好濃郁，我就覺得冇咩特別。