味十味 (已結業)

十月十日, 又試新嘢! 之前無意中係網上搵到呢間上樓日本菜, 雖然知佢價錢貴啲, 但大家都有興趣嚟試吓!嚟到打開餐牌, 原來啲嘢食真係幾貴, 我叫咗個比較平啲既「燒豚肉定食」($65),嚟到個份量真係啲失望, 冇乜汁, 啲肉其實係豬腩肉, 冇乜特別,個沙律得啲菜絲, 小食又係好普通, 個麵豉湯叫做 OK, 但又係冇特別,冇飲品冇甜品, 咁就六十幾蚊再加一, 好似唔多抵食喎......同事既「咖喱牛尾飯」($72) 反而算大碟, 試咗一啖都真係幾好味, 仲要明顯用牛尾煮,個沙律又正啲, 係用凱撒沙津既菜做, 個汁都好味啲, 不過加埋一又係 $80, 好貴呀...另一個同事既「燒雞扒定食」($65), 雖然鐵板上賣相幾得, 但份量真係好少,男仕一定唔夠食啦! 啲沙律同小食又係我果啲, 冇得添飯...啲雞扒雖然都煎得幾香幾好味, 但真係得好少架咋...我哋見其他檯九成都係日本人, 睇嚟真係日本人先識欣嘗呢間嘢,同埋佢哋仲有大閘蟹食, 比較細隻, 不過職員會即場幫你拆同剪開個殼, 又幾好服務喎~至於佢既晚餐仲貴得嚇人, 成六百蚊一位, 嘩! 雖然食既嘢幾靚幾富豐, 但太貴啦!Anyway, 我