勇記海南雞 (隆基大樓)

營業中

休息中

太過分啦！1425已經無雞湯久仰大名好耐， openrice 話1345至開門，1409去到已經滿左，外面又有一條堂食一條外賣龍，誇張。最後等左15分鐘有得入去坐。哩間鋪系一條好似比較寬的後巷，鋪面吾大，裝修比較舊。本來疫程咁厲害，真系吾應該堂食，但考慮到外賣肯定吾同味道，加埋想飲埋個雞湯，但好嬲，咁早就無，好似過分D。本來其他地方吾使加13蚊至有雞肶，既然來到，就食埋佢啦。一上檯睇落雞光光滑滑，飯亦一粒粒金黃色，系幾吸引，翻開睇D 雞肉亦系幾滑，只是小小肥，應該比好高分。但食落無乜雞味而且比較鹹，比較”淋”,無乜口感。雞皮系幾爽滑。個飯就好似有部分邊硬左。泰式醬辣辣地，但一D 都吾香。食完一個小時後都好口乾，吾知道系眯好多味精哩？以地理位置，裝修，價錢，味道，咁早無雞湯供應等等一起考慮，性價比一D吾高。防疫方面可能小店比較差- 睇吾到有火酒。- 檯同檯已經好近，一張4人檯搭檯系正常，但塊隔板仲低過條頸，得個樣。