39
4
1
等級3
45
0
太過欣勤服務的火鍋店
2007-11-06 28 瀏覽
今晚同表妹食飯，表妹想食火鍋，但她超級細食，我又唔想食太多，所以無考慮過任食放題．由於覺得那些酒家寫就70幾80蚊，但加加埋埋俾錢時一家要百幾元一位．所以係她住的地方近近地找火鍋店．見此間的湯底都係$35-$50不等，就入去試下啦．入到去只見枱枱都一碟雪花肥牛，有些人食象拔邦，好似枱枱埋單都要幾舊水．我地只想$200落樓．開始想，呢度D菜都唔平．點知一打開菜牌，雪花肥牛，例:$148, 大:$178, 頂級的就要$198.嘩，好貴呀．我地無想過會咁貴．本想都係$100樓下啦．我地又唔係一定要食雪花，但根本無得選．因表妹食量真係細得驚人，所以我通常都係比佢睇．但最唔高興的，就係我地一路睇，那些侍應就不停催促，好似想趕我地快食快走．我地就先叫鴛鴦湯底(沙爹+紅羅白粟米馬碲湯底)($45).然後叫了唐生菜($38),鮮羊肉($58),金姑牛肉餃($58). 呢度的上菜和收碟速度快到驚人，一叫５分鐘上菜，一食完我地將食完的碟放底，未食完的碟放上，侍應哥哥就埋黎收了底那碟，不過又講了句我好唔like 的說話"呢度唔會咁放的碟，等我收左佢啦”都唔知咩事，我地係客，想點放就點放，好似我地係客，都要跟
更多
今晚同表妹食飯，表妹想食火鍋，但她超級細食，我又唔想食太多，所以無考慮過任食放題．由於覺得那些酒家寫就70幾80蚊，但加加埋埋俾錢時一家要百幾元一位．所以係她住的地方近近地找火鍋店．見此間的湯底都係$35-$50不等，就入去試下啦．入到去只見枱枱都一碟雪花肥牛，有些人食象拔邦，好似枱枱埋單都要幾舊水．我地只想$200落樓．開始想，呢度D菜都唔平．點知一打開菜牌，雪花肥牛，例:$148, 大:$178, 頂級的就要$198.嘩，好貴呀．我地無想過會咁貴．本想都係$100樓下啦．我地又唔係一定要食雪花，但根本無得選．因表妹食量真係細得驚人，所以我通常都係比佢睇．但最唔高興的，就係我地一路睇，那些侍應就不停催促，好似想趕我地快食快走．我地就先叫鴛鴦湯底(沙爹+紅羅白粟米馬碲湯底)($45).然後叫了唐生菜($38),鮮羊肉($58),金姑牛肉餃($58). 呢度的上菜和收碟速度快到驚人，一叫５分鐘上菜，一食完我地將食完的碟放底，未食完的碟放上，侍應哥哥就埋黎收了底那碟，不過又講了句我好唔like 的說話"呢度唔會咁放的碟，等我收左佢啦”都唔知咩事，我地係客，想點放就點放，好似我地係客，都要跟佢間店的做法．另外，我地一叫完菜，就求其放餐牌，侍應又要放係一個佢認為放餐牌的位．我地再睇多一次餐牌，又周圍放，佢地又係咁，走埋黎放係一個佢認為放餐牌的位．我覺得好disturb. 根住食食下，侍應姐姐又走埋黎，stir 我地煲野，我就好唔like 咁望住佢，佢話驚”痴底”．佢都講得對，但係我覺得好disturb 囉．最離譜就係我地放了最後的羊肉落去，當然佢立即收碟啦，但都立即關我地個爐的總掣．嘩，趕客咩．駛唔駛呀，都唔知係咪覺得我地食得平，想趕我地走．最好笑就係表妹同我講，D餃無咩金姑呢，佢地聽到又係度講"多金姑會痕的”．總結：呢間野的食物我相信係唔錯的，但價錢略貴，只得貴價肥牛，無平價肥牛選擇我覺得唔係好好．再者服務態度我認為太霸道了，我唔喜歡我一路食，那些人好像望住我地食咁．講真係無人等位的，大把枱的．都唔明佢地好似想趕我地走似的態度．所以我決定唔會再去．態度真係太霸道了．
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
人均消費
$95