譚仔三哥米線 (恒隆大廈)

營業中

休息中

平時都唔食開“三哥”呢間，因為覺得麻麻，今日行經家樂坊見新舖開張，所以入去再試吓，點知都係一樣咁失敗，又中伏。我叫了酸菜墨丸米線，煳麻湯低加凍檸茶走甜。等了12分鐘，米線先送上，一望就知大鑊，成碗嘢嘅顏色咁似拖完泥地啲水，加埋腐皮似…… 深泥黃色，極度嘔心。味道似咖哩溝水，又唔辣，只得一啲咖哩香料味，仲之唔好食。啲餸仲衰，酸菜切到勁薄勁幼，無咬口，又浸到無哂味，墨丸又細粒。杯凍檸茶，唉…淡過貓尿，啲冰又溶哂。仲有，侍應反應及服務都非常有問題，我隔離枱叫一碗米線加飲品，重覆咗三次，最後嚟咗杯無檸檬嘅涷檸茶，我都忍唔住笑咗出嚟。另外又有人漏order, 真係差差差。以後見到“三哥”都唔會再幫襯。