一品螞蟻 (已結業)

中午1點幾，同朋友係葵芳見到一品螞蟻，外表睇落好似都幾ok咁，埋去試下月，一坐低，d座位好窄，坐得唔舒服，但內里裝修都唔錯，用左好多壓紋建築，一唔舒服小妹都覺得幾影響食慾，但朋友話想試下野食好唔好食，是旦啦，試下，我叫左豬排米線，椰香海鮮辣湯底，朋友叫左咖哩薯蓉魚柳蛋包飯，一心諗住個米線麻麻地，點知食落都唔錯，辣海鮮湯底因為加左椰香所以剩下好少辣，但就甜甜地，豬排外表唔討好，但咬落鬆化，口感唔錯，反而米線就一般，太軟，但整體都算ok la，相反朋友叫個嗰薯蓉魚柳炸得太多粉，魚柳好少，咖哩唔夠濃味，溝得太希，蛋皮太薄，我試下一啖已没有興趣，感覺完全係難食，呢間真係要改善下先得