神輿日本料理 (已結業)

睇到好多好評去試下，點知完全中伏。試過好多放題，呢間真係質素好低。刺身無鮮味，魚肉外面水汪汪，但內部冰冷，好似未解凍就用水清洗然後上碟，仲帶有腥味。2小時放題，5次落單刺身，頭2次叫6至7種刺身，但每次總會漏2至3種刺身。過咗頭2次，你想再食刺身就難比登天。之後3次，每次都要等好耐仲要之後追單先會黎。仲要睇侍應面口，態度其差。仲要一樣繼續漏2至3類你點過嘅魚生種類。放題2小時連加1要202蚊一位，咁嘅價錢配合咁惡劣嘅質素，真係性價比很低。第四次上刺身時，更巧合地所有油甘魚差唔多只有筋部，魚肉唔知去哂邊，可看下圖作參巧。全程侍應唔會幫你加茶或水。隔離枱客人亦要不停召喚侍應才會加水或茶。唯一可以留點好評係炸物，都熱辣辣，必定唔會好似叫刺身停漏單。裝修有日式風情可以算係一個優點吧。以咁嘅價錢，好選擇有很多。