好品味 (已結業)

今日餐Lunch得我同另一位同事2個人食，記得之前星期日係修頓做野去過一間有韮菜餃拉麵食既餐廳，上次冇食到，一直諗住搵次有機會黎食下，今次大好機會，就提出話食呢度喇。黎到等左一陣，有個姐姐帶左我地上樓，原來上面都有位坐嫁喎，上次黎坐下面，都唔覺得佢有2層。黎得呢度就梗係想試下佢個韮菜餃喇~過左陣，個Waitress姐姐話冇當堂唔知叫咩好，連朋友叫肉醬焗飯都冇。大家望望個Lunch Menu，lol有焗肉醬意粉，但冇肉醬焗飯，真搞笑。既然係咁，咁我就要左個咸蛋蒸肉餅飯喇，加多杯上次飲過好好味既雪菊。黎到既時候有少少失望，個賣相真係唔得，試試味，又唔差喎，幾好幾好。肉質都唔算好滑，但絕對唔鞋唔硬先，蛋黃有點乾，但係weekday食個Lunch姐，都係為左出黎行個圈，醫飽個肚姐，要求唔好太高。最後到我最期待既雪菊喇！今次真係大失所望，淡而無味，好似飲緊普通冰水加菊花咁。上次有少少甜味，好香嫁嘛，今次搞咩呢？失望失望…