亞越泰 (已結業)

突然有d想食泰國菜, 見到近近哋石門呢間亞越泰就同老公走去試下, 本身都無乜期望, 但都係好失望. 當晚叫左個超值二人套餐, 有沙律、小食、蔬菜、主食連飲品都算多選擇.沙律：酸辣肉碎生菜包 肉碎多肥膏, 完全唔似正中泰國的肉醉味道, 感覺上就好似加左九層塔就等於係泰式咁, 生菜唔新鮮, 細細棵, 其中有d仲見到有一點點, 其實生菜包d生菜都好重要小食：泰式碳燒豬頸肉唔覺得有燒嘅感覺, 好似無醃過咁無乜味, 要靠點嗰個雞醬蔬菜：咸魚炒介蘭算係成餐最好的餸, 味道ok, 係油咗d主食：特式咖哩牛腩焗農夫大包d 牛腩好乾, 薯仔唔夠淋, 個汁無乜咖哩味比較港式, 無乜汁唔係好點到個包一齊食, 個包表面係焗得脆ge, 賣相可以客觀嚟講呢個價錢係算抵ge, 不過就唔好抱住想享受正宗泰國菜嘅思想去食, 咪會好失望, 唔覺得係泰國菜。