とんかつ専門店 宴美豚

營業中

休息中

今晚嚟荷里活廣場食飯，滿心期待咁試咗呢間話吉列豬扒出名嘅餐廳，結果超失望。餐廳有唔同類型嘅吉列豬扒餐，有啲配唔同調味料，仲有配黑咖喱、鍋膳等等。除咗最出名嘅吉列豬扒外，亦有吉列海鮮、雞肉等等。由於餐廳最出名係吉列豬扒，今次我哋試咗三款吉列豬扒餐。吉列豬扒滑蛋鍋膳（$138）配木魚凍豆腐、酸蘿蔔、麵豉湯、白飯。賣相吸引，食落麻麻。最出名嘅吉列豬扒基本上係冇味，食落個口感都好麻麻。啲滑蛋同醬汁配飯仲好食過佢，失望🤨吉列豬扒柚子蘿蔔蓉定食（$138）配柚子醬油、芝麻、椰菜絲、酸蘿蔔、麵豉湯、白飯。賣相唔錯，食落口感唔好。吉列豬扒基本上全部都係一樣，呢個餐連配嘅蘿蔔蓉都係冇味，個柚子醬就都唔錯。食嘅時候基本上要每咬一啖豬扒點一次醬先唔會太淡，失望吉吉列豬扒味噌定食（$138）配味噌醬、椰菜絲、酸蘿蔔、麵豉湯、白飯。賣相都係唔錯，食落都係一樣唔好味。吉列豬扒係一樣嘅，味噌醬都ok。都係一樣嘅失望😌餐廳環境都算唔錯👍🏻凳底有籃放私人物品。服務同衞生都唔錯，如果食物味道可以改善吓就好。價錢方面，三個餐都係$138，加一後$151.8 。