茶木‧台式休閒餐廳 (已結業)

之前食過幾次茶木都覺得幾好食，所以今日就同朋友去左茶木食lunch。lunch set有三樣小菜，一個主菜，一個飯/麵，仲有一杯飲品，幾豐富。我叫嘅係蒜香沙朗，冇咩蒜味，但勝在煎得岩岩好，咬開中間仲有少少粉紅色。朋友叫嘅係話梅肉排，偏甜，d肉幾冧。至於飯同麵，肉躁飯雖然都吾錯，但我更加鐘意紅燒牛肉麵，湯底十分濃郁，麵條吾會過軟，仲有一大塊嘅牛肉。食完飯當然要食埋甜品，但因為我地已經幾飽下，所以只係叫左個黑白配三味吐司條。吐司黎到嘅時候係凍嘅。黑色吐司條加左竹炭，但其實竹炭係冇味嘅，所以食落同原味嘅一樣。最令人失望嘅係果三隻醬，芝士奶蓋完全冇芝士味，同無糖忌廉一模一樣。朱古力優格有少少乳酪嘅酸味，冇朱古力味，比較稀，係溶左同變酸嘅忌廉。最正常嘅就係最普通嘅糖漿。尼個吐司條真係好失望。