稻坊 (曼坊) (已結業)

係fb見不少谷友講這裡宵夜火鍋放題無得輸，諗住唔差。結果...規距8點先可以拎飛，8點半開始入座，但8點半因為入面無位入唔到住，大約等到8點9左右開始有位入座。座位幾逼，枱與枱隔得近。在中間有自助區，可以拎野飲、糖水甜品雪糕、配料蘸醬同蔬菜丸類食物。餐紙有肉類、海鮮、菜等等選擇，同朋友點左10多樣食物，黎得一半，菜類全甩單，可能因為有自助區毋須理會，順應環境，自助拎菜。第2次入單只揀自助區無嘅肉同海鮮，照樣甩左一半單，只有海鮮上枱，牛豬肉全無，見隔離枱成大盤肉上，追侍應幫忙跟下，但等極都無。第3次已經係last order, 朋友食唔到牛肉唔死心，今次淨點牛肉，疑似這張枱同肉類無緣，隔離枱繼續大盤大盤肉上，這邊全張單甩晒堅持無肉食，再次追侍應幫手只得句就快，但依然等極都無。最後朋友發火講無牛肉唔賣單，終於在10點左右有牛肉上枱。食完後同朋友最大嘅感想係唔會再有下次。