元朗學記粥麵 (已結業)

今晚我們喺尖沙咀海運大廈睇完國慶煙花之後去咗新港中心嘅大食代再食啲嘢先返屋企！由於想食啲「清清地」嘅嘢，所以我們揀咗元朗學記粥麵」！我們買咗紫菜四寶河嘅河粉質感比較「粗嚡」，魚蛋嘅質感一啲都唔彈牙，好似空心咁，而且味道相當腥，魚皮餃嘅餃皮非常厚身同相當「粗嚡」，而且一咬落去就有超多油，唯一叫做好啲啲嘅就係豬肉丸同墨魚丸，因質感都幾爽口彈牙！鮮蝦雲吞麵嘅雲吞皮都算薄身，蝦肉都幾彈牙，至於麵質都幾爽，而且都幾幼身！皮蛋瘦肉粥同艇仔粥嘅粥底都幾綿，豬皮同魷魚嘅份量好足料，而且都幾彈牙！