暢和麵家 (已結業)

唔係第一次寫呢間舖頭嘅食評，之前食過好多次，呢度嘅菜肉雲吞真係好好食。因為比較遠，疫情之下，都好少特登去食，對上一次幫襯已經係兩年前。今次因為做嘢，所以去到附近，咁就梗係把機會再去食，點知得來嘅就係失望。佢嘅湯底唔算有太大分別，但係菜肉雲吞嘅菜肉比例好似有咗啲改變，菜少咗肉多咗，而最大問題係就出咗去食材上面，我唔知佢揀咗邊部份嘅肉，但係有陣肉騷味，所以成個雲吞已經唔得。因為之前幫襯過好多次都好好味，我下年一月會在去做嘢，到時我會俾多次機會佢。