陸金記瓜子大王 (已搬遷) 新店位置

中意食瓜子，今日行街喺灣仔見到呢間好出名嘅瓜子鋪，不如就試下啦。㨂咗最簡單嘅原味葵瓜子，由於唔落任何調味品，只係炒熟，咁様先至知道佢地瓜子質素同水準如何。包裝都幾好，外層紙袋，內裡仲有膠袋。返到屋企，打開膠袋，心知唔妥，因為已經聞到益味。心存僥倖再試咗少許，完全失望，1/3係益嘅、1/3係壞咗苦嘅、1/3係正常。食開瓜子嘅都知道最憎食到D質素差同埋苦澀味，就算有一成都可理解，但呢穜直頭冇法食啦，名不符實，全部give up.雖然今次只係買咗呢款，未必第二啲都唔掂，但咁樣嘅體驗冇信心再次幫襯啦！