大家姐 (已結業)

今日同幾個同學慕名而來，一入到去就有人招呼我地坐低。咁食左個雞翼米線飲凍奶茶。我見佢地有串燒賣，但想想下都係唔食啦。嘩！個雞翼送到來居然只係微暖，同我所想既簡直係差天共地呀。雖然食落口都好脆，但係雞翼唔熱就已經扣哂分啦。講真，佢既蒜香味就唔係好覺，我覺得只係好普通既炸雞翼咋。個米線份量又唔係多，食完都唔係好飽。凍奶茶都係一般貨色，無野好講。如果咁就一餐，就真係唔多抵。我食完之後見到佢地賣既串燒，原來係一咋咁放哂出來，唔係即燒既，真係唔係咁想食。我覺得串燒都係即燒最好既。今餐真係連OK都俾唔到。