板橋壽司 (已結業)

呢間野食完真係一肚火一坐低茶冇,餐牌冇,等多一個字後仍然冇,問佢先比左個餐牌黎,茶依舊冇,侍應原來失左憶!!!食物到,好攪笑,食咁多年壽司,從未試過炒飯會黎左先,食完炒飯先壽司!另外,呢間野食飯係用碟食,唔會比碗同匙你,連我3歲既仔仔都因為咁學識左用碟同快子食飯==之後刺身到,5色刺身明明有蝦既,冇見到有,只見到求其搭左塊類似肝臟物,問經理先話冇比你咩?==八瓜魚刺身好似食擦膠吞唔落,超級難食,未食過梅既刺身可以黎到一試!環境非常嘈雜,又唔係收得平,冇服務,食物惡劣,上菜非常慢,食完一樣先有第二樣,叫果樣冇果樣,咩都暫停,賣晒,前後枱既客人都有同樣情況