肉餅哥小炒料理 (已結業)

聽朋友講依間鋪頭幾有特色，有好多款唔同嘅肉餅，所以專登過去試下，點知一試就出事。同老婆去到唔使等位，埋位先上咗兩碗雞腳湯，感覺幾好飲，不過老婆話啲湯好咸。二個套餐要$188，我覺得偏貴，所以最後散嗌。之後叫咗一個金沙蛋黃肉餅餐，同一個涼瓜煎蛋小菜。個小菜先上，賣照似芙蓉蛋，食落好厚粉漿，好咸，有部分非常咸，好似打唔勻咁。接住個肉餅到埋，睇落唔錯好足料，不過食落無我想像咁香，味道比較淡，最大問題係唔知點解我會食到有幾條魚骨，重要插咗落我啲牙肉度🙎🏻‍♂️之後我有向店員反映同查詢，佢話啲肉餅加咗魚膠，可能係無清乾淨啲骨🙎🏻‍♂️，另外啲飯好硬，好明顯係落唔夠水🤦🏻‍♂️整體嚟講都幾失望，唔會再試。