影片
更多
2010-04-08
15 瀏覽
諗住係OR睇到之前的食評對呢間酒店自助餐啲評語都叫做唔錯，咪去試下囉。原本仲打算復活節去食，但又因為復活節突然有其他節目，所以改咗三月尾去食。首先去到間酒店，我已經俾佢的規模嚇一跳...乜咁細？跟著我哋因為早到，所以諗住帶仔仔去佢哋的兒童樂園玩下，點知...原來又係鎖咗，住客專用的...咁都算啦，因為嗰度實在細，唔可以將啲設施周圍安裝任人玩的。之後到餐廳用饍，嘩，再一嚇...又係咁細？食自助餐喎？佢哋連啲擺食物的枱都要放出去餐廳外邊...我立即想到，如果復活節嚟又人多的時候，點攞嘢食呀？講番食物方面，冷盤提供的選擇都幾多，味道尚可。主菜就迎合主題...亞洲美食，泰式乳豬，蒸魚，辣蝦/蟹...個味都唔錯。不過其他選擇就唔多。仲有車仔粉麵，燒羊及牛肉...一般。最令我驚喜係脆皮燒腩仔及煎蠔烙...真係好好味！到甜品，蛋糕及其他"慕絲"都係一般。但有兩樣嘢真係差！第一，我最鍾意的豆腐花...稀到不得了...我第一次食豆腐花食到有維他奶味。就算我食超市買的維X豆腐花，都唔會係咁！第二，就係佢哋的雪糕。佢哋雖有提供Drey..的雪糕，但打開後發現竟然係熔的...再開多幾杯，都係熔。好明顯係個雪櫃
首先去到間酒店，我已經俾佢的規模嚇一跳...乜咁細？跟著我哋因為早到，所以諗住帶仔仔去佢哋的兒童樂園玩下，點知...原來又係鎖咗，住客專用的...咁都算啦，因為嗰度實在細，唔可以將啲設施周圍安裝任人玩的。
之後到餐廳用饍，嘩，再一嚇...又係咁細？食自助餐喎？佢哋連啲擺食物的枱都要放出去餐廳外邊...我立即想到，如果復活節嚟又人多的時候，點攞嘢食呀？
講番食物方面，冷盤提供的選擇都幾多，味道尚可。主菜就迎合主題...亞洲美食，泰式乳豬，蒸魚，辣蝦/蟹...個味都唔錯。不過其他選擇就唔多。仲有車仔粉麵，燒羊及牛肉...一般。最令我驚喜係脆皮燒腩仔及煎蠔烙...真係好好味！
到甜品，蛋糕及其他"慕絲"都係一般。但有兩樣嘢真係差！
第一，我最鍾意的豆腐花...稀到不得了...我第一次食豆腐花食到有維他奶味。就算我食超市買的維X豆腐花，都唔會係咁！
第二，就係佢哋的雪糕。佢哋雖有提供Drey..的雪糕，但打開後發現竟然係熔的...再開多幾杯，都係熔。好明顯係個雪櫃曾經停過...真係好唔掂...酒店喎...！
相信我哋下次唔會再嚟食囉！
張貼