龍鳳祥餃子館 (裝修中)

前日經過白加士街，見好耐冇食呢間店，就心思思諗住叫個紅燒肉面外賣返屋企慢慢歎，因為以前幫襯過都覺得ok,可能依家咩都貴，打開外賣盒後發現份量比以前少都算啦，點都估唔到D紅燒肉有八成都係肥豬膏，用筷子一夾就淋到分開，呢D所謂紅燒肉唔似五花腩，D豬油滲到成碗面油晒，食落口好油好滯，而且D面質感同以前唔一樣，口感差，後來我唔想浪費食物，唯有用滾水洗下D面，D豬肥膏挑出黎，成個面又冇咩調味，後來自己返屋企調味，真係好離譜！成餐飯貼錢買難受！