影片
更多
2011-10-28
3 瀏覽
圓方的丼丼屋，未曾試過，今日就去咗屯門嘅丼丼屋食堂試吓。原來”食堂”係冇刺身等食材供應，只提供熟食。我哋叫咗一份吉列豬扒、滑蛋雞肉丼、牛肉釜飯和燒玉子卷，再加多一杯菠蘿汁。菠蘿汁，$15一杯，絕對唔係鮮榨，只係罐頭菠蘿汁，甜。燒玉子卷先到，一碟四件，與一般壽司店比較，都頗大件，而且非常豐滿，睇吓佢嘅橫切面，的確係有好多層蛋，反覆摺疊而成，質地略為實淨、彈牙，但都不失鬆軟，雖然蛋味不濃，但帶少許甜味，不錯。吉列豬扒，賣相唔錯，先將芝麻磨碎，再加些豬扒醬汁，但味道偏酸，並不討好；夾了一件，未放入口，已經支離破碎，表面嗰層麵飽糠趺咗落黎，靜咗三秒，唔知食豬扒先，還是食麵飽糠先，哈哈哈；麵飽糠唔算厚，但唔夠香口，唔夠脆，麻麻哋；豬扒唔夠鬆，冇肉汁，有d嚡，唔掂。滑蛋雞肉丼，賣相都相當吸引，金黃色嘅蛋漿，鋪滿成碗飯，中間夾雜著一些白色嘅蛋白，非常醒神；食了一啖飯，飯嘅味道完全俾蛋漿蓋過，唔錯，可惜汁似乎太多，最底嘅飯，完全被蛋汁浸著，太濕，唔好食；蛋亦好滑，雖然蛋味唔濃，都ok；至於雞件，就唔掂，完全冇雞味，肉嚡，差。牛肉釜飯，就要等廿分鐘，因為需要時間焗；表面好似太乾身，但撈混後，觀感唔錯，因
原來”食堂”係冇刺身等食材供應，只提供熟食。
我哋叫咗一份吉列豬扒、滑蛋雞肉丼、牛肉釜飯和燒玉子卷，再加多一杯菠蘿汁。
菠蘿汁，$15一杯，絕對唔係鮮榨，只係罐頭菠蘿汁，甜。
燒玉子卷先到，一碟四件，與一般壽司店比較，都頗大件，而且非常豐滿，睇吓佢嘅橫切面，的確係有好多層蛋，反覆摺疊而成，質地略為實淨、彈牙，但都不失鬆軟，雖然蛋味不濃，但帶少許甜味，不錯。
吉列豬扒，賣相唔錯，先將芝麻磨碎，再加些豬扒醬汁，但味道偏酸，並不討好；夾了一件，未放入口，已經支離破碎，表面嗰層麵飽糠趺咗落黎，靜咗三秒，唔知食豬扒先，還是食麵飽糠先，哈哈哈；麵飽糠唔算厚，但唔夠香口，唔夠脆，麻麻哋；豬扒唔夠鬆，冇肉汁，有d嚡，唔掂。
滑蛋雞肉丼，賣相都相當吸引，金黃色嘅蛋漿，鋪滿成碗飯，中間夾雜著一些白色嘅蛋白，非常醒神；食了一啖飯，飯嘅味道完全俾蛋漿蓋過，唔錯，可惜汁似乎太多，最底嘅飯，完全被蛋汁浸著，太濕，唔好食；蛋亦好滑，雖然蛋味唔濃，都ok；至於雞件，就唔掂，完全冇雞味，肉嚡，差。
牛肉釜飯，就要等廿分鐘，因為需要時間焗；表面好似太乾身，但撈混後，觀感唔錯，因為下層d飯，比較多汁，撈混後，感覺唔同；吃了一口飯，質感唔錯，唔會太硬，少少漿口，點欠牛肉味，比較遜色；至於牛肉，唔韌，但冇牛肉味，比吉野家差。
加多$25，有套餐，多咗麵豉湯、沙律和雪糕新地；麵豉湯都係一般開粉嘅，但亦加入昆布和豆腐，總好過淨湯；沙律都頗新鮮，算ok；雪糕，唔錯，幾滑，幾香，綠茶糖漿，微甜，綠茶味亦唔濃烈，但帶清香，只可惜上枱時，雪糕頂已塌下來，影響賣相，哈哈。
埋單$266，每人$88，唔貴，但食物質素就一般般啦。張貼
