新曼谷泰菜 (已結業)

下午約咗個客係尖沙咀見面傾吓計，諗咗好耐都唔知食咩，個客就提議去ISQUARE試吓間新泰菜。其實個人覺得ISQUARE 6樓嘅餐廳唔算方便，要轉兩次扶手電梯先到。去到已經兩點，餐廳都仲算多人，坐底睇吓下午茶MENU，最後決定散叫.泰式冷奶茶，完全唔合格，奶味薄弱，更加冇泰式奶茶應該有嘅濃茶味。鐵板蠔仔蛋，呢個算OK，味道幾好，蠔仔如果肥D效果會仲好。椰香青咖喱牛肋肉，最失敗之作，咖喱第一已經唔夠香，所有料都係分開煮，之後放入煮好嘅咖喱汁，D料又點會入味呢。講得衰D屋企個工人姐姐仲煮得好食過佢。泰式串燒，豬肉都仲算OK，雞肉太乾。沙爹醬唔夠香，不過都叫做OK。如果食物KEEP住咁嘅水準，真係好難留客，應該唔會再幫襯。