台南阿豆仔 (已結業)

這店在銅鑼灣開左段時間一直都未有時間去試，今日同事話不如食外賣，我地就一次叫左7個，每份$65,而原來外賣都要收錢，所以最後我地每人$69一個餐而且沒有外送添，最後我地自己去取。黎到有3包裝，返到公司一拿上手都幾重份量喎，我叫左香酥雞和鹽水雞，小食有皮蛋豆腐和滷水蓮藕飲品要左檸檬紅茶而同事叫左台式奶茶，整體我地都覺得只屬好普通，未必會再叫黎食。炒米粉好味道，米粉夠幼身吸晒味又夠熱度，材料都吾少十分抵食。香酥雞黎到淋晒，可能 因外賣關係，幸好雞肉都嫩而飯勁多，味道還可以。鹽水雞堅吾得，雞又硬又冇味，連咸味都冇勁失望，仲差過白切雞。皮蛋豆腐醬汁係冇味，份量少。滷水蓮藕吾講吾知係滷水，因為一D 味都冇，似滾水整咁。台式奶茶味道正常吾錯，如果少甜會更好。檸檬紅茶味道濃郁但偏甜，加多少少熱水再飲就最好。我地7個同事都覺得食這次就夠，未必會再幫襯，可能期望太大吧。