穴 (世貿中心) (已結業)

較失望的日本午餐今日又係老闆請食飯，先至會嚟呢度食。叫左個lunch set，可以揀兩個迷你丼或一個迷你丼加兩串串燒。因為肚餓，要左兩個迷你丼。我就要左鰻魚丼同三文魚海膽丼。鰻魚好普通，唔夠熱，係靠個汁。而且個汁都唔係好標青。反而三文魚海膽丼就較好，海膽算新鮮，三文魚係比近腩位，所以好肥，好食。每個set都會跟沙律，烏冬或者蕎麥麵。我就揀左蕎麥麵。只得湯揀，如果有冷蕎麥麵就更加好。之後有甜品，以為起碼都嚟個布甸或雀巢雪糕呀，點知得一粒仔嘅綠茶糯米糍。半啖都冇，好心個甜品做好少少，我都一定會再唻幫襯。可惜。整體嚟講都係中下，唔係有人萬歲都唔會嚟食！