橋底辣蟹 (雅閣大廈) (已結業)

真係唔醒起係黃金週，去到橋底辣蟹先醒起，外面排晒長龍。之前橋底辣蟹係我哋食消夜嘅首選，點知今日呢度全部都係大陸嘅同胞。好似全間分店得我哋一台香港人。我哋一坐低就即刻叫嘢食，好多野都賣晒有啲失望。啲餸都上得快，但係差唔多碟碟都係凍上。乳鴿凍嘅，炸豆腐凍嘅，橋底辣蟹都係凍嘅，想同侍應理論，但係我唔知佢做乜嘢同我講英文！究竟是什麼態度？佢話wait a minute I am busy 跟住仲走埋。真係食到一肚氣。食到中間，仲中場休息添，全體侍應都去晒食飯。我睇過台台客都冇嘢食，心諗有冇搞錯！ 炸豆腐唔熱而且淋左，完全無味，鹽都冇落，簡直係勁啊！橋底辣蟹招牌菜，蟹肉鮮味係有嘅，蒜蓉本身味道10分強烈好香，好好味，但係唔熱，淋曬，今次失手了，令我們留下一個唔好既回憶。