阿夫利拉麵 (The ONE)

營業中

休息中

近排好似迷上左拉麵，走訪了好幾間店，而位於尖沙咀The One商場內的阿夫利係其中之一。記得初開業時，據聞要排長龍，依家熱潮已過，所以完全唔洗等位。店門口用點麵機選好自己想食的食物，然後乖乖坐在位置等候。柚子辣湯拉麵 - 第一啖湯頭係有柚子味，但唔係個種好fresh既感覺。至於只有一塊的炭燒叉燒都尙算合格，半隻流心蛋，而拉麵份量也比較少。柚子甘露沾麵 - 沾麵汁係用咗秘製醬汁加柚子汁混合，凍凍地，味道酸酸醎醎甜甜，只有小半碗仔，配個拉麵食，要慳住用。炸豚肉餃子 - 炸得香脆，咬落都有豐富肉汁，很不錯。沖繩特飲（洛神花、椰子🥥、茶）- 出乎意料地難飲，有d藥水味。