韓樂 (利東商場一期)

營業中

休息中

今晚諗住食韓國菜，見附近有這間餐廳，就是一下。嗌咗三樣都好正路嘅食物，包括溫泉蛋·牛肉·珍珠飯、韓式泡菜海鮮炒年糕、海鮮香蔥煎餅。諗住正正常常冇咩機會出錯，點知三樣餸裏面有兩樣都唔係好滿意。第一個就係石頭鍋飯，外賣都預咗佢冇飯焦，呢個都可以接受，但圖文不符，原來張圖上面有埋菠菜芽菜同泡菜，點知一打開只係得牛肉，一堆蔥粒，同蘿蔔粒，睇返以前啲食評，原來都有人經歷同我一樣嘅嘢。似乎真係偷工減料喎。而醬汁唔係傳統嘅韓式辣醬，而係啲酸甜醬，簡單來講所有飯盒裏面嘅嘢都冇味包括有牛肉。要靠撈汁先至加咗啲味。牛肉比較多肥膏，唔係好食得落口。另外就係海鮮香蔥煎餅，個盒仔大，點知裏面打開好細，而且個餅好厚身。我印象中煎餅唔係應該薄薄嘅咩⋯⋯又唔脆，裏面好濕，好多粉團，而且都冇乜味道。又去靠點汁。最覺得接受到就係韓式泡菜海鮮炒年糕，泡菜同海鮮嘅份量都算多。味道都算係最正常嘅。總括嚟講價錢佢唔算好平，性價比好低，即使想食韓國嘢，都唔會推介。