都會自助餐廳 (已結業)

我已經是幾天前訂位，因為佢剩係做OPENRICE優惠，信用卡都冇優惠。12點到達後卻被安排坐近洗手間，而且坐得好入，每次拎野食都很好遠。好啦~咁去拎野食，食客咩人都有，一見到有蠔個個好似癲左咁，呢間餐廳既蠔係已經開定哂，佢只係拎出黎放係個冰碟度。冇耐當然所有蠔都被人拎哂，我估唔到連魚生都被清空。只係講緊三個字內發生既事，跟著個個諗住好快有人添返野食，點知等下等下都冇人做野，食客就開始嘈，我見到廚師極唔願意地拎蠔同魚生放返。行多兩個圈，都唔知有咩好食，唉如果以自助午餐黎講，選擇少，食客差，連係度做既都唔好。我覺得雖然係用優惠黎食，但我唔係黎乞〝我都要比錢架@@