影片
更多
2012-01-17
9 瀏覽
團購團購....終於記得寫了, 呵呵!!!記得呢個商場新開果時, 路過呢間舖, 覺得佢好貴唔抵食...之後, 比我發現到佢有團購, 咁就梗係要買黎試一試啦!!呢日 book 左位同男友仔去試食, 嘿嘿~因為係 lunch time, 去到見到好多人...雖然 book 左位, 不過都等左 5 分鐘左右先入得!比我既第 1 個感覺係....枱細位迫 =(枱面已經放左張剔菜紙, 自己揀完就文單嚕~我地既 2 人餐選擇係.....1) 麻辣手撕雞2) 蜆芥鯪魚球3) 砂鍋羔蟹粥4) XO 醬皇牛肉炒河5) 灼菜芯6) 凍檸茶7) 熱杏仁奶露眼見四周既客人大部份都係團購人士, 大家都係試食吧...哈哈!落完單, 等左大約 10 分鐘就開始有野食....先上枱既係 "砂鍋羔蟹粥", 估計應該係一大鍋煮好之後再裝落砂鍋~因為........我地果鍋既然有......3 隻蟹鉗!! 哇哈哈....講返味道, 粥底係 "傑" 身既漿粉粥底, 但無蟹味....蟹....係迷你蟹, 同女仔手掌既 size 差唔多(唔計手指)!! 蟹羔唔多, 不過還好有少量蟹羔響殼...另有好少量既橙黃色蟹羔落左粥底度..
記得呢個商場新開果時, 路過呢間舖, 覺得佢好貴唔抵食...
之後, 比我發現到佢有團購, 咁就梗係要買黎試一試啦!!
呢日 book 左位同男友仔去試食, 嘿嘿~
因為係 lunch time, 去到見到好多人...
雖然 book 左位, 不過都等左 5 分鐘左右先入得!
比我既第 1 個感覺係....枱細位迫 =(
枱面已經放左張剔菜紙, 自己揀完就文單嚕~
我地既 2 人餐選擇係.....
1) 麻辣手撕雞
2) 蜆芥鯪魚球
3) 砂鍋羔蟹粥
4) XO 醬皇牛肉炒河
5) 灼菜芯
6) 凍檸茶
7) 熱杏仁奶露
眼見四周既客人大部份都係團購人士, 大家都係試食吧...哈哈!
落完單, 等左大約 10 分鐘就開始有野食....
先上枱既係 "砂鍋羔蟹粥", 估計應該係一大鍋煮好之後再裝落砂鍋~因為........我地果鍋既然有......3 隻蟹鉗!! 哇哈哈....
講返味道, 粥底係 "傑" 身既漿粉粥底, 但無蟹味....
蟹....係迷你蟹, 同女仔手掌既 size 差唔多(唔計手指)!!
蟹羔唔多, 不過還好有少量蟹羔響殼...另有好少量既橙黃色蟹羔落左粥底度...
然後上枱既係灼菜芯 (有蠔油), 菜幾新鮮, 少油算健康....無咩特別~
跟住係 "XO 醬皇牛肉炒河", 賣相唔錯, 用料比例大約係....10份2係牛肉, 10份之3係韮黃芽菜, 10份之5係河粉首先用料比較失望, 成碟河粉入面, 就只有 2 片細細既牛肉 (真係咁貴!)
其次就係食味失望, 完全無XO 醬味之餘, 味道亦淡得出奇 (人家已經平時都係食開淡口味)
真係求其一個大排檔都炒得好食過佢 =(
再之後上枱既係 "麻辣手撕雞", 嗯...賣相唔吸引..只見滿碟既辣椒油~手撕雞唔特別, 唔"鞋"亦唔滑, 普通雞肉無異!
成個餸又係淡淡的, 無咩味, 反而配搭既西芹幾鮮嫩脆口~
最後上枱既係 "蜆芥鯪魚球", 無特別之餘, 魚味唔夠香濃, 炸得亦唔夠脆...另外, 飲品方面....
凍檸茶 - 無特別, 茶味亦唔香濃
熱杏仁奶露 - 杏仁味唔算好香, 但係好滑, 仲有濃濃既奶味, 唔錯!
而是日甜品係.....楊枝甘露一個字....甜!!
而且.....仲好似有陣怪怪既味道, 所以食左一半就無再食嚕.........
整體比我地既感覺........真係好........麻麻!!!!!
雖然係團購, 但呢個 quality 都真係好失望, 亦唔會吸引到我地再去食.......
可惜, 真係希望做團購既店舖, 可以認真對待任何方式既惠顧, 因為.......團購都係口碑, 團購都係錢!!!
張貼
