影片
更多
2019-01-29
621 瀏覽
『失望而回， 退步到離曬大譜！』呢兩句說話，絕對可以總結我今次再食嘅感想！呢間舖頭，係我搬嚟太子住六年嘅期間， 我不斷咁幫襯佢， 最高峰係一個月幫襯十次以上！ 原因係， 1佢非常平又好食，2 店內四個職員其實係一家人， 佢哋感覺非常親切。自從佢哋搬咗去大鋪之後， 頭半年都仲keep到個水準， 一開始仲好開心佢多咗款式揀， 同埋唔使下下都企喺街邊食， 因為始終咁大碗又熱又辣嘅雲吞， 企喺街邊， 留住鼻涕咁食真係幾狼狽！ 唯獨是'阿舅父' (佢哋係咁叫) 轉咗用打單pos機, 搞到收錢收得慢咗好多， 仲要成日有啲人插隊， 佢都唔搞清楚邊個嚟先嚟後， 所以每次搞到我買嘢都好忟憎！ 不過算啦， 佢煮得好食就唯有繼續幫襯啦！不過好景不常， 半年之後質素就持續下降， 除咗因為佢哋請咗店員幫手製作雲吞， 導致因為各人嘅手勢同分量不同。 企喺度煮雲吞嗰位老闆娘，落調味都越嚟越孤寒！啱啱最近今次食， 發現佢連煮雲吞嗰個湯底都變成咗清水！ 以前佢會加雞粉落去， 所以個湯係忌廉淡黃色， 依家直接用清水， 仲要冇咗以前不斷換走舊嘅湯注入新湯嘅手勢， 搞到啲雲吞皮冇以前咁爽滑分明！ 新嚟嘅阿姐包餃雖然大粒咗，
呢兩句說話，絕對可以總結我今次再食嘅感想！
呢間舖頭，係我搬嚟太子住六年嘅期間， 我不斷咁幫襯佢， 最高峰係一個月幫襯十次以上！ 原因係， 1佢非常平又好食，2 店內四個職員其實係一家人， 佢哋感覺非常親切。
自從佢哋搬咗去大鋪之後， 頭半年都仲keep到個水準， 一開始仲好開心佢多咗款式揀， 同埋唔使下下都企喺街邊食， 因為始終咁大碗又熱又辣嘅雲吞， 企喺街邊， 留住鼻涕咁食真係幾狼狽！ 唯獨是'阿舅父' (佢哋係咁叫) 轉咗用打單pos機, 搞到收錢收得慢咗好多， 仲要成日有啲人插隊， 佢都唔搞清楚邊個嚟先嚟後， 所以每次搞到我買嘢都好忟憎！ 不過算啦， 佢煮得好食就唯有繼續幫襯啦！
不過好景不常， 半年之後質素就持續下降， 除咗因為佢哋請咗店員幫手製作雲吞， 導致因為各人嘅手勢同分量不同。 企喺度煮雲吞嗰位老闆娘，落調味都越嚟越孤寒！
啱啱最近今次食， 發現佢連煮雲吞嗰個湯底都變成咗清水！ 以前佢會加雞粉落去， 所以個湯係忌廉淡黃色， 依家直接用清水， 仲要冇咗以前不斷換走舊嘅湯注入新湯嘅手勢， 搞到啲雲吞皮冇以前咁爽滑分明！
新嚟嘅阿姐包餃雖然大粒咗， 但係調味差咗好多， 調味大約輕手咗三分一！ 湯底本身已經係清水， 落調味料仲要比以前輕手差唔多一半！ 大碗涼麵仲要比以前細碗咗五份一， 價錢仲12蚊開始，持續加到20蚊…
總之一句講曬，堂食就冇下次啦！
如果各位仲有興趣食嘅話， 我建議買生餃返去，自己用雞湯煮， 然後喺包埋嘅醬料兜嗰度，拎多啲醬料落去自己煮好咗嘅雲吞湯碗。 咁樣做，大概可以保持到舊舖嘅九成功力！
希望幫到大家啦😂
張貼