影片
更多
2010-11-18
61 瀏覽
好久不見的朋友即興約食飯，記得有人提過上環皇后街的ABC好味非常，再上openrice一看好評如潮，即時打電話book枱。早知道是熟食中心大排檔格局，見大圍如此不計較裝潢，對食物的期望自然份外高。路痴如我一如往常盪失路，即使有google map的printout加上iPhone的GPS，仍然可以去錯上環街市。最後抵步皇后街熟食中心，朋友已安然入坐。拿起餐牌，首先留意到的是沒有crème burlee(哎呀，點解會咁架)，比目魚又售罄，點解呀，七點半咋喎。最後點了兩客忌廉湯、三文魚子蟹肉雲吞、黑松露菌鵝肝醬及西班牙燒乳豬。沒有香濃南瓜湯，又打了個折扣。講唔出忌廉湯跟茶餐廳常餐的有咩分別，最慘係呢度係a la carte(@$28)都咁o既質素，為免嘥quota，一半都飲唔到就叫人收走。三文魚子蟹肉雲吞中的魚子味道ok亦夠大粒(不過呢個都係批發買返來，好少唔ok)，但個燒汁亦無甚特別，雲吞中有蟹肉嗎？真係食唔出。都是我的錯！沒有留意黑松露菌鵝肝醬的鵝肝不是pan-fry那種，冷鵝肝入口的感覺就像一pat冷冷的肥豬肉，吃不出黑松露菌的獨特澀味，食完又沒有優質鵝肝醬的餘韻，胃納卻用咗一半有多
路痴如我一如往常盪失路，即使有google map的printout加上iPhone的GPS，仍然可以去錯上環街市。最後抵步皇后街熟食中心，朋友已安然入坐。拿起餐牌，首先留意到的是沒有crème burlee(哎呀，點解會咁架)，比目魚又售罄，點解呀，七點半咋喎。
最後點了兩客忌廉湯、三文魚子蟹肉雲吞、黑松露菌鵝肝醬及西班牙燒乳豬。沒有香濃南瓜湯，又打了個折扣。講唔出忌廉湯跟茶餐廳常餐的有咩分別，最慘係呢度係a la carte(@$28)都咁o既質素，為免嘥quota，一半都飲唔到就叫人收走。三文魚子蟹肉雲吞中的魚子味道ok亦夠大粒(不過呢個都係批發買返來，好少唔ok)，但個燒汁亦無甚特別，雲吞中有蟹肉嗎？真係食唔出。
都是我的錯！沒有留意黑松露菌鵝肝醬的鵝肝不是pan-fry那種，冷鵝肝入口的感覺就像一pat冷冷的肥豬肉，吃不出黑松露菌的獨特澀味，食完又沒有優質鵝肝醬的餘韻，胃納卻用咗一半有多，慘不忍睹。
西班牙燒乳豬係整餐飯最好的一道菜，汁的味道一般，皮脆肉嫩是真的，不過肥膏多了點，反而伴碟的薯蓉更好味；加上其時胃納已滿，吃第一件尚可, 第二件已感到太飽不甚享受。
服務還好，加水很勤，又殷勤介紹餸菜，不過如此的食物質素，加上地點的不便，算不上物有所值，害我對吃甜品的興趣都沒了。朋友老說要請客，你話我衰都係咁話：下次嚟餐勁好味超開心的你先請吧，唔係特別好食的AA好D，心安理得。
張貼
